Mrs. Rabbit gives Peter camomile tea

ਪੀਟਰ ਖ਼ਰਗੋਸ਼ ਦੀ ਕਹਾਣੀ

ਲੇਖਕ

ਬੀਏਟਰਿਕਸ ਪੋਟਰ

Peter Rabbit

ਫਰੈਡਰਿਕ ਵਾਰਨ

 


 

ਫਰੈਡਰਿਕ ਵਾਰਨ

ਪਹਿਲਾਂ ਪ੍ਰਕਾਸ਼ਤ 1902
ਵਿਲੀਅਮ ਕਲੋਅਜ਼ ਲਿਮਟਿਡ, ਬੈਕਲਜ਼ ਦੁਆਰਾ ਗ੍ਰੇਟ ਬ੍ਰਿਟੇਨ ਵਿਚ ਛਾਪਿਆ ਗਿਆ ਅਤੇ ਬੰਨ੍ਹਿਆ ਗਿਆ

 


 

ਬਹੁਤ ਸਮਾਂ ਪਹਿਲਾ ਦੀ ਗੱਲ ਹੈ,ਮੋਤੀ,ਜੋਤੀ,ਭੋਲੂ ਅਤੇ ਪੀਟਰ ਨਾਂ ਛੋਟੇ ਛੋਟੇ ਖ਼ਰਗੋਸ਼ ਆਪਣੀ ਮਾਂ ਨਾਲ ਰਹਿੰਦੇ ਸੀ ।

Rabbit family home

ਇੱਕ ਵੱਡੇ ਦੇਵਦਾਰ ਦਰੱਖਤ ਦੀਆਂ ਜੜ੍ਹਾਂ ਵਿੱਚ ਰੇਤ ਦੇ ਟਿੱਬੇ ਨੂੰ ਖੋਦ ਕੇ ਉਨ੍ਹਾਂ ਨੇ ਆਪਣਾ ਘਰ ਬਣਾਇਆ ਹੋਇਆ ਸੀ । ਜਿਥੇ ਉਹ ਸਾਰੇ ਬੜੇ ਅਰਾਮ ਨਾਲ ਰਹਿੰਦੇ ਸੀ ।

Mother gives a warning

ਇੱਕ ਦਿਨ ਉਨ੍ਹਾਂ ਦੀ ਬੁੱਢੀ ਮਾਂ ਉਨ੍ਹਾਂ ਨੂੰ ਕਹਿਣ ਲੱਗੀ, "ਪਿਆਰੇ ਬੱਚਿਓ ਤੁਸੀਂ ਭੀਮੇਸ਼ਾਹ ਦੇ ਬਾਗ ਵਿੱਚ ਭੁੱਲ ਕੇ ਵੀ ਨਹੀਂ ਜਾਣਾ । ਉੱਥੇ ਤੁਹਾਡੇ ਪਿਤਾ ਨਾਲ ਇੱਕ ਦੁਰਘਟਨਾ ਵਾਪਰ ਗਈ ਸੀ । ਭੀਮੇ ਸ਼ਾਹ ਦੀ ਪਤਨੀ ਨੇ ਤੁਹਾਡੇ ਪਿਤਾ ਨੂੰ ਪਿੰਜਰੇ ਵਿੱਚ ਬੰਦ ਕਰ ਲਿਆ ਸੀ । ਹੋਰ ਖੇਤਾ ਵਿੱਚ ਜਾਂ ਥੱਲੇ ਗਲੀ ਵਿੱਚ ਜਿੱਥੇ ਮਰਜੀ ਖੇਡੋ।"

Be good little bunnies

ਫਿਰ ਮਾਂ ਨੇ ਕਿਹਾ, “ਮੈਂ ਬਾਹਰ ਜਾ ਰਹੀ ਹਾਂ । ਤੁਸੀ ਖੇਡੋ , ਪਰ ਕੋਈ ਸ਼ਰਾਰਤ ਨਹੀ ਕਰਨੀ ।"

Mrs. Rabbit goes shopping

ਇੰਨਾ ਕਹਿਕੇ ਉਸ ਨੇ ਆਪਣੀ ਛਤਰੀ ਅਤੇ ਟੋਕਰੀ ਚੁੱਕੀ ਤੇ ਬਾਹਰ ਚਲੀ ਗਈ । ਉਹ ਜੰਗਲ ਵਿਚੋ ਲੰਘਕੇ ਬੇਕਰ ਦੀ ਦੁਕਾਨ ਤੇ ਗਈ ।ਉਥੋਂ ਉਸਨੇ ਡਬਲਰੋਟੀ ਤੇ ਸੁੱਕੇ ਅੰਗੂਰਾਂ ਦੇ ਬਣੇ ਹੋਏ ਪੰਜ ਕੇਕ ਖਰੀਦੇ।

Bunnies picking berries

ਮਾਂ ਦੇ ਜਾਣ ਪਿਛੋਂ ਮੋਤੀ, ਜੋਤੀ ਤੇ ਭੋਲੂ ਜੋ ਬਹੁਤ ਸਾਊ ਬੱਚੇ ਸਨ,ਥੱਲੇ ਗਲੀ ਵਿੱਚ ਫ਼ਲ ਖਾਣ ਚਲੇ ਗਏ।

Bad boy Peter

ਪਰ ਪੀਟਰ ਜੋ ਬਹੁਤ ਸ਼ਰਾਰਤੀ ਸੀ, ਸਿੱਧਾ ਭੀਮੇ ਸ਼ਾਹ ਦੇ ਬਾਗ਼ ਵੱਲ ਭੱਜਿਆ। ਦਰਵਾਜੇ ਦੇ ਥੱਲੇ ਦੀ ਘਿਸੜ ਕੇ ਉਹ ਅੰਦਰ ਲੰਘ ਗਿਆ।

Peter pigs out

ਪਹਿਲਾ ਉਸ ਨੇ ਹਰਾ ਹਰਾ ਸਲਾਦ ਖਾਧਾ। ਫਿਰ ਫਲੀਆਂ ਅਤੇ ਗਾਜਰਾਂ।

Peter ate too much

ਇਹ ਸਭ ਖਾਕੇ ਜਦੋਂ ਉਸਦਾ ਮਨ ਭਰ ਗਿਆ ਤਾਂ ਉਹ ਖੀਰੇ ਦੀ ਭਾਲ ਵਿੱਚ ਇੱਧਰ ਉੱਧਰ ਘੁੰਮਣ ਲੱਗਾ।

Peter is discovered

ਜਦੋਂ ਉਹ ਖੀਰੇ ਦੀ ਵੇਲ ਕੋਲ ਗਿਆ ਤਾਂ ਉਸ ਨੂੰ ਭੀਮੇ ਸ਼ਾਹ ਦਿਖਾਈ ਦਿੱਤਾ ।

McGregor chases Peter

ਭੀਮੇ ਸ਼ਾਹ ਗੋਡਿਆਂ ਭਾਰ ਬੈਠਾ ਗੋਭੀ ਦੀ ਪਨੀਰੀ ਲਾ ਰਿਹਾ ਸੀ। ਪੀਟਰ ਨੂੰ ਦੇਖਦੇ ਹੀ ਉਸਨੇ ਛਾਲ ਮਾਰੀ। ਤੇਜੀ ਨਾਲ ਤੰਗਲੀ ਹੱਥ ਵਿੱਚ ਘੁਮਾਉਂਦਾ ਉਹ ਪੀਟਰ ਵੱਲ ਭੱਜਿਆ ਤੇ ਉੱਚੀ ਅਵਾਜ਼ ਵਿੱਚ ਲਲਕਾਰਾ ਮਾਰਿਆ, “ਚੋਰਾ ਠਹਿਰ ਜਾ ਹੁਣ ਭੱਜੀ ਨਾ।"

Peter loses his shoes

ਪੀਟਰ ਬੁਰੀ ਤਰ੍ਹਾਂ ਡਰ ਗਿਆ ਤੇ ਬਾਹਰ ਜਾਣ ਦਾ ਰਾਹ ਵੀ ਭੁੱਲ ਗਿਆ। ਰਾਹ ਦੀ ਭਾਲ ਵਿੱਚ ਉਹ ਬਾਗ਼ ਵਿੱਚ ਇੱਧਰ ਉੱਧਰ ਭੱਜਣ ਲੱਗਾ।

ਭੱਜਦੇ ਹੋਏ ਉਸ ਦਾ ਇੱਕ ਜੁੱਤਾ ਗੋਭੀ ਦੀ ਕਿਆਰੀ ਵਿੱਚ ਡਿੱਗ ਪਿਆ। ਦੂਜਾ ਆਲੂ ਦੀ ਕਿਆਰੀ ਵਿੱਚ।

Peter is caught in a net

ਜੁੱਤਿਆਂ ਦੀ ਪਰਵਾਹ ਨਾ ਕਰਦੇ ਹੋਏ ਉਹ ਪੂਰੇ ਜੋਰ ਨਾਲ ਉਥੋਂ ਭੱਜਿਆ। ਅੱਗੇ ਜਾਕੇ ਅੰਗੂਰਾਂ ਦੀ ਵੇਲ ਵਿੱਚ ਉਸਦੀ ਜਾਕਟ ਦੇ ਬਟਨ ਫਸ ਗਏ । ਇਹ ਨੀਲੇ ਰੰਗ ਦੀ ਸੁਨਹਿਰੀ ਬਟਨਾ ਵਾਲੀ ਉਸਦੀ ਨਵੀਂ ਨਕੋਰ ਜਾਕਟ ਸੀ। ਉਹ ਝਟਕੇ ਨਾਲ ਜਾਕਟ ਛੁਡਾ ਕੇ ਫਿਰ ਪੂਰੇ ਜੋਰ ਨਾਲ ਭੱਜਿਆ। ਇੱਕ ਝਾੜੀ ਕੋਲ ਜਾਕੇ ਉਸਨੇ ਸਾਹ ਲਿਆ।

Sparrows offer advice

ਹੁਣ ਪੀਟਰ ਨੂੰ ਲਗਿਆ ਕਿ ਉਹ ਤਾਂ ਗੁਆਚ ਗਿਆ ਹੈ। ਇਹ ਸੋਚਕੇ ਵੱਡੇ ਵੱਡੇ ਹੰਝੂ ਉਸਦੀਆਂ ਅੱਖਾਂ ਵਿੱਚੋਂ ਵਹਿ ਤੁਰੇ। ਉਹ ਸਿਸਕੀਆਂ ਲੈ ਲੈਕੇ ਰੋਣ ਲੱਗਾ। ਕੁਝ ਚਿੜੀਆਂ ਹੇਰਾਨ ਹੋ ਕੇ ਉਸ ਕੋਲ ਆਈਆਂ ਪਰ ਉਨ੍ਹਾਂ ਨੇ ਵੀ ਉਸ ਨੂੰ ਚੁੱਪ ਨਾ ਕਰਾਇਆ। ਚਿੜੀਆਂ ਨੂੰ ਲੱਗਿਆ ਕਿ ਪੀਟਰ ਬਹੁਤ ਜਿਆਦਾ ਥੱਕਣ ਕਰਕੇ ਰੋ ਰਿਹਾ ਹੈ।

Peter escapes McGregor

ਇੰਨੇ ਨੂੰ ਭੀਮੇ ਸ਼ਾਹ ਹੱਥ ਵਿੱਚ ਵੱਡੀ ਸਾਰੀ ਛਾਨਣੀ ਫੜੀ ਭੱਜਕੇ ਉੱਥੇ ਆਇਆ। ਉਸਨੇ ਜੋਰ ਦੀ ਛਾਨਣੀ ਪੀਟਰ ਦੇ ਉੱਪਰ ਮਾਰੀ। ਪੀਟਰ ਉਥੋਂ ਬਚਕੇ ਨਿਕਲ ਗਿਆ। ਪਰ ਉਸਦੀ ਜਾਕਟ ਛਾਨਣੀ ਵਿੱਚ ਹੀ ਫਸੀ ਰਹਿ ਗਈ।

Peter chooses a wet place to hide

ਪੀਟਰ ਭੱਜਕੇ ਸੰਦਾਂ ਵਾਲੇ ਕੋਠੇ ਵਿੱਚ ਵੜ ਗਿਆ ਤੇ ਉਥੇ ਪਏ ਡੋਲ ਵਿੱਚ ਛਾਲ ਮਾਰੀ। ਇਹ ਡੋਲ ਲੁਕਣ ਲਈ ਵਧੀਆ ਥਾਂ ਸੀ ਪਰ ਇਸ ਵਿੱਚ ਪਾਣੀ ਸੀ।

'Kertyschoo!'

ਭੀਮੇ ਸ਼ਾਹ ਨੂੰ ਪੂਰਾ ਯਕੀਨ ਸੀ ਕਿ ਪੀਟਰ ਸੰਦਾਂ ਵਾਲੇ ਕੋਠੇ ਵਿੱਚ ਹੀ ਕਿਤੇ ਲੁਕਿਆ ਹੋਇਆ ਹੈ। ਉਹ ਹਰ ਗਮਲੇ ਨੂੰ ਹਿਲਾ ਹਿਲਾ ਕੇ ਦੇਖਣ ਲੱਗਾ।

ਇੰਨੇ ਨੂੰ ਪੀਟਰ ਨੇ ਛਿੱਕ ਮਾਰੀ ਤੇ ਹਿਛ ਛ ਛ ਛ ਦੀ ਅਵਾਜ ਚਾਰੇ ਪਾਸੇ ਗੂੰਜ ਗਈ। ਪਲ ਝਪਕਦੇ ਹੀ ਭੀਮੇ ਸ਼ਾਹ ਉਸਦੇ ਪਿੱਛੇ ਭੱਜਿਆ।

Peter tips over pots

ਉਹ ਉਸ ਨੂੰ ਉੱਪਰ ਪੈਰ ਰੱਖ ਕੇ ਤੇ ਦੱਬ ਕੇ ਹੀ ਮਾਰ ਦੇਣਾ ਚਾਹੁੰਦਾ ਸੀ।ਪਰ ਪੀਟਰ ਉਸ ਤੋਂ ਬਚਕੇ ਸਾਹਮਣੇ ਖਿੜਕੀ ਵਿੱਚੋਂ ਛਾਲ ਮਾਰ ਕੇ ਬਹਰ ਨਿਕਲ ਗਿਆ। ਇਹ ਖਿੜਕੀ ਇੰਨੀ ਛੋਟੀ ਸੀ ਕਿ ਭੀਮੇ ਸ਼ਾਹ ਇਸ ਵਿੱਚੋਂ ਨਹੀ ਲੰਘ ਸਕਦਾ ਸੀ। ਉਹ ਪੀਟਰ ਪਿੱਛੇ ਭੱਜ ਕੇ ਥੱਕ ਵੀ ਗਿਆ ਸੀ। ਇਸ ਲਈ ਵਾਪਸ ਜਾਕੇ ਉਹ ਆਪਣਾ ਕੰਮ ਕਰਨ ਲੱਗ ਪਿਆ।

Peter looks around for the exit

ਪੀਟਰ ਸਾਹੋ ਸਾਹ ਹੋਇਆ ਪਿਆ ਸੀ ਤੇ ਡਰ ਨਾਲ ਕੰਬ ਰਿਹਾ ਸੀ। ਕੁਝ ਦੇਰ ਬੈਠਕੇ ਸੋਚਣ ਲੱਗਾ। ਪਰ ਬਾਗ਼ ਵਿਚੋਂ ਨਿਕਲਣ ਦਾ ਉਸ ਨੂੰ ਕੁਝ ਪਤਾ ਨਹੀਂ ਲੱਗ ਰਿਹਾ ਸੀ। ਉਹ ਪਾਣੀ ਦੇ ਡੋਲ ਵਿੱਚ ਬੈਠਣ ਕਰਕੇ ਗਿੱਲਾ ਵੀ ਹੋ ਗਿਆ ਸੀ।

ਇਸ ਕਰਕੇ ਉਸ ਨੂੰ ਅਲਕਤ ਆ ਰਹੀ ਸੀ। ਕੁਝ ਦੇਰ ਪਿਛੋਂ ਹੌਲੀ ਹੌਲੀ ਕਦਮਾਂ ਨਾਲ ਇੱਧਰ ਉੱਧਰ ਦੇਖਦਾ ਉਹ ਘੁੰਮਣ ਲੱਗਾ।

Peter asks the mouse

ਅਚਾਨਕ ਉਸ ਨੂੰ ਸਾਹਮਣੀ ਕੰਧ ਤੇ ਦਰਵਾਜਾ ਦਿਸਿਆ। ਪਰ ਉਸ ਨੂੰ ਜਿੰਦਾ ਲੱਗਿਆ ਹੋਇਆ ਸੀ। ਉਸ ਵਰਗਾ ਮੋਟਾ ਖ਼ਰਗੋਸ਼ ਘਿਸੜ ਕੇ ਉਸਦੇ ਥੱਲੇ ਦੀ ਬਾਹਰ ਨਹੀ ਜਾ ਸਕਦਾ ਸੀ।

ਉਥੇ ਇੱਕ ਪੱਥਰ ਕੋਲੋਂ ਇੱਕ ਬੁੱਢੀ ਚੂਹੀ ਵਾਰ ਵਾਰ ਆ,ਜਾ, ਰਹੀ ਸੀ। ਉਹ ਜੰਗਲ ਵਿੱਚ ਰਹਿੰਦੇ ਆਪਣੇ ਪਰਿਵਾਰ ਲਈ ਮਟਰ ਤੇ ਫਲੀਆਂ ਲੈ ਕੇ ਜਾ ਰਹੀ ਸੀ। ਪੀਟਰ ਨੇ ਉਸ ਨੂੰ ਦਰਵਾਜੇ ਵੱਲ ਜਾਂਦੇ ਰਾਹ ਬਾਰੇ ਪੁੱਛਿਆ। ਪਰ ਉਸ ਦੇ ਮੂੰਹ ਵਿੱਚ ਇੱਕ ਵੱਡੇ ਮਟਰ ਦਾ ਦਾਣਾ ਸੀ। ਇਸ ਕਰਕੇ ਉਹ ਬੋਲ ਨਾ ਸਕੀ ਤੇ ਸਿਰ ਹਿਲਾਕੇ ਹੀ ਨਾਂਹ ਵਿੱਚ ਉੱਤਰ ਦਿੱਤਾ। ਹੁਣ ਪੀਟਰ ਉੱਚੀ ਉੱਚੀ ਰੋਣ ਲੱਗ ਗਿਆ।

Peter encounters a cat

ਫਿਰ ਤੁਰਦਾ ਤੁਰਦਾ ਉਹ ਇੱਕ ਛੱਪੜ ਕੋਲ ਆਇਆ। ਉਸ ਨੂੰ ਯਾਦ ਆਇਆ ਕਿ ਇਥੋਂ ਹੀ ਭੀਮੇ ਸ਼ਾਹ ਨੇ ਪਾਣੀ ਦੇ ਡੋਲ ਭਰੇ ਸੀ। ਇਸ ਛੱਪੜ ਨੇੜੇ ਇੱਕ ਚਿੱਟੀ ਬਿੱਲੀ ਬਿਲ ਕੁਲ ਅਹਿਲ, ਇੱਕ ਸੁਨਹਿਰੀ ਮੱਛੀ ਵੱਲ ਟਿਕਟਿਕੀ ਲਾਈ ਬੈਠੀ ਸੀ।ਕਦੇ ਕਦੇ ਉਸਦੀ ਪੂਛ ਹੀ ਹਿਲਦੀ ਸੀ ਜਿਸ ਤੋਂ ਪਤਾ ਲਗਦਾ ਸੀ ਕਿ ਉਹ ਜਿੰਦਾ ਹੈ। ਉਸ ਤੋਂ ਉਸਨੇ ਬਾਹਰ ਜਾਂਦੇ ਰਾਹ ਬਾਰੇ ਪੁੱਛਣਾ ਠੀਕ ਨਾ ਸਮਝਿਆ ਕਿਉਂਕਿ ਉਸਦੇ ਚਚੇਰੇ ਭਰਾ ਨੇ ਇੱਕ ਵਾਰ ਉਸ ਨੂੰ ਬਿੱਲੀਆ ਦੇ ਭੈੜੇ ਸੁਭਾਅ ਬਾਰੇ ਦੱਸਿਆ ਸੀ।

Peter finds a vantage point

ਉਹ ਦੁਆਰਾ ਸੰਦਾਂ ਵਾਲੇ ਕੋਠੇ ਵੱਲ ਗਿਆ। ਅਚਾਨਕ ਉਸ ਨੂੰ ਆਪਣੇ ਬਹੁਤ ਨੇੜੇ ਘਿਰੜ ਘਿਰੜ ਦੀ ਅਵਾਜ਼ ਸੁਣਾਈ ਦਿੱਤੀ। ਉਹ ਝਾੜੀ ਉਹਲੇ ਲੁਕ ਗਿਆ। ਜਦੋਂ ਉਸ ਨੂੰ ਦੇਰ ਪਿਛੋਂ ਲੱਗਾ ਕਿ ਆਸੇ ਪਾਸੇ ਕੁਛ ਨਹੀਂ ਤਾਂ ਉਹ ਝਾੜੀ ਵਿੱਚੋਂ ਬਾਹਰ ਨਿਕਲਿਆ। ਉਹ ਉੱਥੇ ਪਈ ਇੱਕ ਰੇਹੜੀ ਤੇ ਚੜ੍ਹ ਗਿਆ। ਇਥੋਂ ਉਸਨੇ ਚਾਰੇ ਪਾਸੇ ਨਜ਼ਰ ਮਾਰੀ। ਉਸਨੂੰ ਪਹਿਲੀ ਨਜ਼ਰ ਹੀ ਭੀਮੇ ਸ਼ਾਹ ਗੰਡੇ ਗੁਡਦਾ ਦਿਖਾਈ ਦਿੱਤਾ। ਪੀਟਰ ਵੱਲ ਉਸਦੀ ਪਿੱਠ ਸੀ ਤੇ ਉਸਦੇ ਬਿਲਕਲ ਸਾਹਮਣੇ ਦਰਵਾਜਾ ਸੀ।

Peter dashes for the gate

ਪੀਟਰ ਬਿਨਾਂ ਖੜਕਾ ਕਰੇ ਚੁੱਪ ਚਾਪ ਰੇਹੜੀ ਤੋਂ ਉਤਰਿਆ। ਕਾਲੇ ਅੰਗੂਰਾਂ ਦੀ ਵੇਲ ਦੇ ਪਿੱਛੋਂ ਦੀ ਹੋਕੇ ਦਰਵਾਜੇ ਵੱਲ ਉਹ ਬਿਜਲੀ ਦੀ ਤੇਜੀ ਨਾਲ ਭੱਜਿਆ।

ਭੀਮੇ ਸ਼ਾਹ ਨੇ ਇੱਕ ਨੁੱਕਰ ਤੋਂ ਉਸਨੂੰ ਦੇਖ ਲਿਆ ਸੀ। ਪਰ ਪੀਟਰ ਨੂੰ ਹੁਣ ਉਸ ਦੀ ਭੋਰਾ ਪਰਵਾਹ ਨਹੀ ਸੀ। ਉਹ ਦਰਵਾਜੇ ਵਿੱਚੋਂ ਬਾਹਰ ਖਿਸਕ ਗਿਆ। ਹੁਣ ਉਹ ਬਿਲਕੁਲ ਸੁਰੱਖਿਅਤ ਸੀ।

Scare-crow of rabbit clothes

ਭੀਮੇ ਸ਼ਾਹ ਨੇ ਪੰਛੀਆ ਨੂੰ ਡਰਾਉਣ ਲਈ ਉਸਦੀ ਜਾਕਟ ਅਤੇ ਜੁੱਤੀਆਂ ਦਾ ਡਰਨਾ ਬਣਾ ਕੇ ਬਾਗ਼ ਵਿੱਚ ਗੱਡ ਦਿੱਤਾ।

ਪੀਟਰ ਬਿਨਾਂ ਪਿੱਛੇ ਦੇਖੇ ਭੱਜਦਾ ਗਿਆ,ਭੱਜਦਾ ਗਿਆ ਜਦੋਂ ਤੱਕ ਕਿ ਦੇਵਦਾਰ ਦੇ ਦਰੱਖਤ ਥੱਲੇ ਬਣੇ ਆਪਣੇ ਘਰ ਵਿੱਚ ਨਾ ਪਹੁੰਚ ਗਿਆ।

Peter is back home

ਪੀਟਰ ਇੰਨਾ ਥੱਕਿਆ ਹੋਇਆ ਸੀ ਕਿ ਰੇਤ ਦੇ ਨਰਮ ਕੂਲੇ ਫਰਸ਼ ਤੇ ਲੱਤਾਂ ਪਸਾਰ ਕੇ,ਅੱਖਾਂ ਬੰਦ ਕਰਕੇ ਉਹ ਚੁੱਪਚਾਪ ਲੇਟ ਗਿਆ। ਉਸਦੀ ਮਾਂ ਰਸੋਈ ਵਿੱਚ ਖਾਣਾਂ ਬਣਾਉਣ ਲੱਗੀ ਹੋਈ ਸੀ। ਉਹ ਹੈਰਾਨ ਸੀ ਕਿ ਉਹ ਆਪਣੇ ਕੱਪੜੇ ਕਿੱਥੇ ਗੁਆ ਆਇਆ ਹੈ। ਇੱਕ ਦਿਨ ਵਿੱਚ ਦੂਜੀ ਵਾਰ ਉਹ ਆਪਣੇ ਕੱਪੜੇ ਤੇ ਜੁੱਤੇ ਗੁਆ ਆਇਆ ਸੀ।

Petered out

ਉਸਦੀ ਮਾਂ ਨੇ ਕਿਹਾ, “ਮੈਨੂੰ ਲਗਦਾ ਹੈ ਅੱਜ ਪੀਟਰ ਠੀਕ ਨਹੀਂ।”

ਇਸ ਲਈ ਉਸਨੇ ਉਸਨੂੰ ਬਿਸਤਰ ਤੇ ਲਿਟਾਇਆ। ਉਸਨੇ ਚਾਹ ਬਣਾਕੇ ਦੋ ਕੁ ਚਮਚੇ ਉਸਨੂੰ ਦਿੱਤੀ।

' ਸੌਣ ਵੇਲੇ ਇੰਨੀ ਕੁ ਚਾਹ ਹੀ ਚਾਹੀਦੀ ਹੈ। '

Eating the berries they picked

ਮੋਤੀ,ਜੋਤੀ ਅਤੇ ਭੋਲੂ ਨੁੰ ਸ਼ਾਮ ਦੇ ਖਾਣੇ ਵਿੱਚ ਉਸਨੇ ਡਬਲ ਰੋਟੀ,ਦੁੱਧ ਤੇ ਕਾਲੇ ਅੰਗੂਰ ਖਾਣ ਨੂੰ ਦਿੱਤੇ।

THE END